Kuluma Shopping in Germany - 德國抵買精選

逢星期一 至 五，下午6時正 出新 Post，為大家推介德國抵買正貨！ 記得 Like & Follow facebook.com/kulumashop  !

有人問 Kuluma 「秀碧」除疤貼德國價格如何？ 香港屈xx賣 1 盒 7 片 HK$ 248。 原來除疤貼價格和除疤膏一樣情況，德國賣既係 1盒 21 片 (等於香港 3 盒)，香港就 得 7 張。如果經 Kuluma 買 連空郵運費，HK$ 350 (計埋平香港一半有多)。 【CONTRACTUBEX Intensivpatch für die Nacht】 21 St Pflaster 「秀碧」晚間深層除疤貼，21 片裝 (HK$350 連空郵掛號) 產品特色： - 淡化疤痕留下的紅印，舒緩傷口癒合期間的痕癢及繃緊感覺。 - 獨特微氣墊密封層設計：減少疤痕組織水份流失，平衝受傷肌膚水份，深層保濕，保護敏感的疤痕組織。 - 釋放除疤成份：Cepalin精華及尿囊素(Allantoin)，會持續數小時逐漸釋放，達至雙重除疤效果。 - 質地柔軟輕薄，適用身體任何部位。想達到最佳效果，請於傷口癒合或拆線後立即使用。此外，此產品亦可淡化、軟化及平滑舊疤痕，包括增生性疤痕及瘢瘤性疤痕。 § 用法： - 清潔及印乾疤痕位置，確定傷口已完全癒合及沒有傷口。 - 拿出晚間深層除疤貼。 - 撕去背面的透明膠片。 - 使用前避免接觸有黏力之面層。 - 貼上除疤貼，並留意必須完全覆蓋疤痕位置。 - 如疤痕較小，可用乾淨的剪刀將除疤貼剪細(必須在撕去底層保護膠片前剪)。 - 如疤痕較大，可並排貼上多塊除疤貼。 - 皮膚自然癒合於晚間較為活躍，建議晚間使用，並連續貼6-12小時。- 早上起床後移去除疤貼並丟棄。 - 除疤貼不可重覆使用。 - 若想達至最佳效果，請持續使用最少3個月。

返屋企，有返 Internet 後就收到朋友 C 既相，佢係太古既 Axxn 見到 Weleda 既護膚品，就 send 將相俾過黎。 睇到價錢後，Kuluma 呆左一呆，因為，真係貴！ 例如：Weleda 金盞花 BB 面霜，HK$178 (Kulumashop HK$105) 金盞花 BB 油，HK$292 (Kulumashop HK$150) 金盞花 Baby cream ，HK$154 (Kulumashop HK$105)  唔止以上3 個例子，基本上 Weleda BB 護膚品係香港真係貴。 當然，最大分別係，要係 Kulumashop 買夠 6 件先可免郵費，同埋要等3 -4 星期 D 貨先到手。 小數怕長計，早 D 入定就可以慳好多。 題外話，之前 Kuluma 介紹過 Nivera Q10 body cream 好好用，依家香港有得賣啦。價錢同德國差唔多，唔洗 HK$50。 邊到？ (唔係倒自己米，但香港價錢同德國差唔多，無理由要大家蝕！) 太古間 Axxx online 就 HKTVmall 有興趣就入返件啦！

仲既得之前介紹德國 La mer 時，舖頭老闆娘話香港天氣唔 arm 用，唔賣 La Mer 既成明作俾我地嗎？ 之後，佢介紹左 La Mer Med 日霜和晚霜外，還介紹了 La Mer 另一條 Line 的 24小時保濕乳液 俾我地。佢話，平時 Toner 後搽就得，到天氣又乾又凍時，就係面加日霜或晚霜。 呢調 Advance line 主要係持久保濕，防止有害污染物質傷害肌膚，再刺激肌膚更生，使膚色變得明亮照人。 【La Mer Advanced Marine Vitalizer 24h Fluid 】50 ml La Mer Advance 24 小時保濕乳液 (不含香料) ◎ 特別適合混合性肌膚 海藻精華為肌膚提供持久水分，防止皮膚乾燥時出現的皺紋，結合海藻和Pro-Algane 活性成分，能控制皮脂出現，減少面部油光，使面部肌膚清新和明亮動人。 § 主要成份：海藻精華、藻酸（從海帶藻獲得）、鋅、甘油、海底泥精華 § 用法：早晚潔面爽膚後差 ，用指尖搽上，再慢慢按摩至吸收。 * 之前提過德國 La Mer 好多產品在德國產品測試中獲得佳績，日後會逐一為大家介紹。

 近排香港既小朋友開始玩平衡單車，即係無腳踏得兩個漉既單車。呢種車德國好興，好多識行無幾耐既小朋友就開始玩。 Kuluma 成日係條街見到 D 細路玩，初時唔覺得有乜特別。直到一日同幾個朋友講開，佢地一致地話叫我買俾 Kulu，話小朋友學平衡好好，第時學單車，最多 15 分鐘就識。 唔怪得德國 D 小朋友單車唔覺有輔助漉啦！ 後來，有一日一個香港朋友問起平衡單車，Kuluma 又上腦咁叫佢買，用既係同一個理由。結果，佢阿仔玩左年幾，一上兩漉單車，唔洗 10 分鐘已經自己開住車四圍去。 香港既平衡單車唔平，好多時過千，德國呢？大約 40 歐就有一架唔錯既，當然，可能無香港既咁型仔，但是，實實淨淨唔係已經足夠嗎？ 下圖既平衡單車品牌係德國幾出名，呢架車係德國產品測試成績又唔錯，不妨 Show 俾大家睇睇。 【Kettler OTO4015-0035 】車呔10 吋

昨天提及朋友的朋友在廚房漉到，一大片凹凸不平的疤痕，搽左一隻德國除疤膏之後改善左好多，皮滑左好多，依家仍天天努力搽。 佢建議我買呢隻被 Kulu，於是我即刻走過對面藥房買，跟住日日捉 Kulu 搽。搽左幾個禮拜，依家仲見到條傷痕，但好淡，又無凸出黎，已經好好啦！ 【 Bepanthen Narben-Gel 】 20g Bepanthen 除疤膏 Bepanthen 最新除疤產品，3 歲以上可用，適用於新舊疤痕，包括： 運動留下的疤痕、各種手術疤痕、燙傷、咬傷、擦傷疤痕等。 持續使用可平滑和淡化疤痕，不再痕癢或發痛，最後徹底消除。 除疤膏附帶一個按摩球，能舒緩疤痕處的皮膚組織，防止骨膠原纖維過量產生，減慢疤痕的形成。 再加上硅膠在皮膚表層形成保護膜，使新生皮膚不容易缺水而導致疤痕，Dexpanthenol 則補充皮膚水份，促進疤痕痊愈。 持續使用數月，疤痕逐漸淡化至消失，皮膚恢復平滑。 § 用法： 1. 用按摩球輕輕按摩疤痕處 2. 唧少少除疤膏，用指尖輕輕搽在疤痕上。 ◎ 傷口結疤後只可以搽除疤膏，一個月後才使用按摩球按摩。每日搽2次，至少2個月。

 德國既小朋友 6 歲讀小學先開始學寫字，認字母。之前係幼稚園主要既工學係玩、玩、玩，同埋學識照顧自己，有時會畫下畫，但先生唔會執佢地既問題，由得佢地自由發揮，所以小朋友都好鍾意返學。 Kulu 今年小一，開學之前幾個月，學校會派有張文具 List，叫家長替小朋友買簿同文具。鉛筆、顏色筆、水彩都有指定。其中鉛筆就指定要1 粗1 幼既三角鉛筆，顏色筆都係指定要三角，點解？ 因為方便小朋友掌握正確既姿勢。 其實，除左 三角筆，仲有一種「窿窿筆」，更方便小朋友掌握。 小朋友只要將拇指、食指、無名指放在窿窿上，就是正確的姿勢，係埋好方便呢？ 除左「窿窿鉛筆」 (有分左右手添)，其實仲有 「窿窿顏色筆」 邊個牌子？就係： 【STABILO EASYgraph / EASYcolours】 貴唔貴？ 1 包 6 枝 「窿窿鉛筆」 約 8 歐 1 盒 12 枝 「窿窿顏色筆」約 17 歐 咁小朋友通常要用幾耐先能掌握正確用筆方法？ 通常寫完 2 枝，就已經掌握到。之後只要再用三角筆約 6 個月，就已經入腦，以後用普通筆都掌握得好好。 真唔真？ Kulu 開學至今，用了 3 個月，依家用筆姿勢一流，你話有無用？

提起除疤膏，大家自然會想起德國的秀碧除疤膏，好多人都話好有效，貴都要買。(係 屈XX 一枝 20 g 要大約 HK$170) 最肉痛既 20g 好快就用完！ 既然係德國產品，Kuluma 無理由唔去格下價。原來，秀碧除疤膏係德國有 100g 大枝裝，當然價錢會抵好多，5 倍分量，計埋郵費都係 HK$400。 記得前排 Kulu 受傷，係太陽穴附近留下了一條疤痕。雖然 Kulu 係男仔，但面上的一條疤痕，做阿媽既總會接受唔到，於是四出打探，邊隻除疤膏好。 德國的朋友說，秀碧除疤膏好，但貴。另外有一隻都好好，她的朋友做廚房，之前給滾水漉傷，有一大塊不平滑的疤痕，就是用那個除疤膏後，改善了很多，現在仍努力天天搽。 邊隻？聽日先再介紹。今日講埋 秀碧除疤膏 先。 【 Merz Contractubex Gel 】100 gram HK$400 德國秀碧除疤膏 三重功效： 1. 防止形成過多疤痕組織 2. 減少發紅、發癢和皮膚緊繃感 3. 促使疤痕平滑，增加皮膚彈性 用於：摩擦傷、切割傷或撕裂傷後 、 手術後 、 燒傷或燙傷後 、 激光治療後（如祛除紋身） § 用法： 每天以除疤膏於患處輕輕按摩 2 至3 次，至少 3 個月。從中間開始向邊緣輕輕按摩，使軟膏滲入疤痕。繼續以小圓圈動作按摩，直到完全吸收。 ◎ 避免與眼睛接觸、鼻腔或口腔內部以及和身體其他部位的粘膜接觸。 要達到最佳療效，在傷口癒合或縫線拆除後，應盡快開始治療。這將確保您的疤痕變得細微，使疤痕變得幾乎看不見或感覺不到。

記得Kuluma 細個時候玩麵粉、玩泥膠，整呢樣整個樣。通常玩完之後就會俾阿媽鬧，話整到四圍污糟邋遢，整到四圍都係。 Kuluma 當然會汲取教訓， 盡量唔俾Kulu 玩麵粉，否則，做死自己。 有時經過舖頭，見到一桶桶既「粒粒」，沒有仔細研究。直到有天，朋友帶小女兒來和 Kulu 玩，帶來了一桶「粒粒」。她一打開，兩個細路開心到顛左，即刻坐低，齊齊砌。朋友弄濕了塊布，說將「粒粒」點下塊布，就好像搽左膠水一樣，可以痴埋。 咁細粒，細路放入口點算？ 唔怕，因為 「粒粒」係由薯仔澱粉 (即太白粉) 造成，加入安全可入口食物色素，絕對安全。 3 歲以上就玩得。 呢個玩具係德國有盒裝 (幾百粒，約 8-20 歐)，有桶裝 (約 300-1200 粒，約7-16 歐)，仲有箱裝 (5000粒，約 40 歐) Kulu 仲有無玩？ 無！唔係佢唔想玩，係我家小狗至愛吃「粒粒」，所以決定絕對唔買，等 Kulu 玩 Lego 算。 https://www.youtube.com/watch?v=MAC3wPCGX4w

之前為介紹既Alverde 天然磨砂膏，用穀物細粒磨砂，今次介紹既係用火山熔岩既礦物細粒做磨砂，銀，兩種完全不同既感覺，梗有一款適合你。 再配合甜杏仁油滋補肌膚，就唔怕磨完後太乾。 【Balea Peeling Creme】 75 ml Balea 磨砂膏 § 主要成份：野生大豆油、浮石、甘油、牛油果油、甜杏仁油 § 用法：用手指以打圈方式將磨砂膏搽上面，輕輕磨一陣，用暖水清洗。 一星期可用 1-2 次

初生 BB 洗頭，只需要用暖水。到再大 D，先用BB 洗頭水。要方便媽媽，最好就係二合一洗髮沐浴露，一枝過，慳位唔洗煩。 再加多枝 Lotion 搽身就得啦！ Kulu 到依家 6 歲，都係咁用緊。 【Weleda Waschlotion & Shampoo Baby Calendula】 200 ml Weleda 金盞花嬰兒洗髮沐浴露 溫和的配方，潔淨頭髮與身體之餘，令頭髮更易梳理，令肌膚變得潤滑。 § 主要成份：可可葡萄糖苷、甜杏仁油、芝麻油、甘油、金盞花精華，黃原膠 【Weleda Pflegemilch Baby Calendula】200 ml   Weleda 金盞花嬰兒潤膚乳 不但可在沐浴後搽，更可以搽在有輕微濕疹的位置，有鎮靜和消炎作用。 § 主要成份：甜杏仁油、芝麻油、甘油、金盞花精華，黃原膠、蜂蠟 其實，皮膚敏感的成年人，都可以用 Weleda 的金盞花嬰兒系列！

當你覺得 D 護膚品好似搽極都無效過，想換左佢之前，記得問下自己，有無同塊面定期去角質，例如：磨沙、深層清潔或 Peeling。 當塊面的角質層越來越厚，搽幾靚既護膚品都吸收唔到，當然無效！ 幾耐要做一次？ 以前 Kuluma 係九龍灣返工，空氣極差，所以每星期都會做 1 - 2 次深層清潔，加 1 次去角質。依家係德國當然唔需要咁密。 天氣乾燥，就介紹 D 潤少少既天然去角質產品啦！ 【Alverde Peeling Bio-Aprikose Bio-Calendula】 75 ml Alverde 有機金盞花去角質磨砂膏 Alverde 係天然品牌，價格大眾化，質素有保證。仲記唔記得佢既野玫瑰油啊？係用開既日霜 / 晚霜加 2 滴，就可以成功轉季，唔洗換過另一隻更潤的面霜。 今次既去角質磨砂膏內含有機甜杏仁油和有機金盞花精華滋潤肌膚，細微的穀物溫和地為你磨去死皮，潔淨肌膚。 § 主要成份：有機酒精、甘油、山杏仁油、乳木果油、橄欖油、有機金盞花精華、葵花籽油 § 用法：整濕塊面後，將磨砂膏以指尖輕輕打圈形式搽上面、頸位置，磨一陣後，用暖水清洗。1 星期可用 2 次。

Steiff 是德國百年毛公仔品牌，100%德國人手製造，質地好，唔易爛 (當然，你用暴力另計)，好多德國人自細已經有一隻陪住長大。佢 D毛又軟又滑，造型可愛，由俾BB 玩到小朋友，甚至大大隻都有。 好多時，Kuluma 經過玩具舖，都有衝動買一隻返屋企俾自己。 原裝德國製造嘅Steiff，每個都有一粒以黃銅鍍金耳環，扣住一張黃色標籤，註明：Handmade by Steiff KNOPF IM OHR(手製配以黃銅鍍金耳扣)，限量版則註明：MADE IN GERMANY Steiff Collectors / Classic / Relica的標籤。 Steiff 公仔可唔可以洗？ 當然可以！只要將公仔放在洗衣袋，在洗衣機用 30℃ 水清洗，之後晾乾即可。 只要好好照顧，可以陪你一世！ 貴唔貴？普通一隻 18cm 高的約 HK$200；28cm 約 HK$300；40cm 約HK$400。 人手德國製造，可以陪你一生一世，如果係復刻版、限量版、與其他品牌 Cross-over 特別版，仲好有升值潛力，咁你話貴唔貴？

近排好多人想買 Panaten 感冒浸浴看門口，等自己小朋友感冒時可以浸下，舒服 D。其實 Panaten 以外，仲有好多選擇。 BB 產品一向較貴，因為無論選料至製造都要非常謹慎，選擇亦不多。當小朋友漸漸長大，就可以選擇其他產品。 例如：Das Gesund Plus 的感冒浴油，大大枝 250ml，2 歲以上已經可以使用。 tetesept 感冒浴鹽，600g，4 歲可以開始用。 不如睇下個圖，就可以一目了然！ 最重要係價錢！ 【Panaten 感冒浸浴】 125 ml， 【DAS gesunde PLUS 感冒浴油】 250 ml (大大枝) 【Tetesept Meeressalz Erkältung】600g 樽裝 (夠用12次) 【Primavera 尤加利傷風感冒香薰油(有機)】5ml，每次用幾滴 【Primavera 尤加利傷風感冒膏 (有機)】25ml，用黎搽 比較之下，如果已經係大 D 既小朋友，不妨考慮下其他更抵既產品。

之前介紹過德國都有一個護膚品牌叫 La Mer，產品成份同樣是來自海洋。Kuluma 好多用開 La Mer 的朋友試過德國 La Mer 之後，都轉德國版。原因無他，因為覺得效果差唔多，但價錢就平幾倍。HK$ 300-400 就有 HK1800 的效果，無理由唔轉。 德國 La Mer 屬於天然護膚品，針對不同肌膚需要而設幾個類別。之前介紹過既 Lifting 眼霜就是 Supreme 這條 Line 的。 其實德國 Lamer 最出名的是她的成名作 Origin of Rich Moisturising Cream，不過質地較厚，不大適合香港的天氣使用。當日 Kuluma 想幫朋友買，舖頭老闆娘堅持唔賣，話太厚我用會好 Lap。同佢講係幫朋友買，當佢知道朋友在香港，又話唔賣，因為香港較潮濕，冬天冷風又唔夠乾和凍。之後，建議我們買的就是 La Mer Med 的日霜 / 晚霜 ，和 Advanced Marine 的 24 小時活膚乳。 老闆娘介紹的就是另 Kuluma 朋友轉買德國版 La Mer 的產品，今次先為大家介紹 La Mer Med 的日霜和晚霜。 La mer Med 這一條 Line 是特別針對敏感肌膚，很多產品都在德國產品測驗獲得佳績，值得推介。 【La Mer Med Gesichtscreme Tag/ Nacht (ohne Perfume)】 50ml La Mer Med 日霜/ 晚霜 (不含香料) 由海底泥、海藻提取出來的物質，針對缺水的肌膚，提供深層持久滋潤。海藻精華DMS 則能鞏固細胞結構，令肌膚光滑柔軟。 § 主要成份：海底泥精華、海藻精華、海鹽、甘草酸，尿素，棕櫚油、角鯊烷、乳木果油、DMS § 用法：早 / 晚潔面爽膚後，即可搽上 日 / 晚霜。如早上，日霜後再加防曬。 ◎ La Mer Med 日霜在德國 Oko-Test 產品測試中獲得非常好 (sehr gut) 的評價。

記得當年 Kuluma 第一枝 Face Serum ，係朋友介紹既 IPSA 補濕精華，當年賣 HK$300。一直 Keep 住用左好多年先轉其他品牌，但每隔一段時間，又忍唔住買返枝用。 移居德國時，已經不再年輕，單純補濕已經不能滿足，於是集中使用 Q10、抗皺類護膚品。 其實，年輕就是本錢，平日一枝補水精華加上日/晚霜，再加防曬就足夠。 在德國，好的補濕精華抵！Balea 的價錢大眾化，但質素一 D 都唔差，好多產品在德國產品測試獲得好評。她的護膚品有幾條 Line，針對不同情況，例：補濕、Q10緊緻、成熟肌膚、敏感等。 今次就為大家介紹補濕抗皺精華。 【Balea Serum Beauty Effect Falten Filler】 30 ml Balea Beauty effect 補濕抗皺 精華 內含透明質酸，有助撫平細紋。補濕因子能增加肌膚水分和光澤，再加上維他命E、維他命原 B5、乳木果油滋潤肌膚。 § 主要成份：甘油、透明質酸、維他命E、維他命原 B5、乳木果油、黃原膠 § 用法：早晚潔面爽膚後使用，再輕輕按摩，之後搽日 / 晚霜。

為人父母，最怕 BB 病。記得當日帶兩個月大的 Kulu 回港，長輩千叮萬囑叫我萬事小心，記得家居必備 BB 退燒藥，還說，BB 發燒，可大可小，好意燒壞腦。還說，德國睇醫生不及香港方便，當阿仔發燒，食左退燒藥先再去睇醫生。 自此以後，屋企總放一枝退燒藥。還好，只用過幾次。 其實，除了發燒，BB 感冒也會令阿媽好頭痛。小朋友識「呻」鼻涕，BB 乜都唔識，個鼻仔塞住，不停流鼻水。唔舒服就會不停喊... ... 最後，BB 病好，阿媽就會謝晒，跟住病埋。 如果屋企有以下既工具，可能會好少少，至少可以幫 BB 吸左 D 鼻涕。 【Babylove Nasensauger】 如圖所見，只要輕輕按住圓形泵位，將吸咀輕輕放在 BB 鼻孔，將泵放開，就能吸去 BB 鼻水。 記得要輕輕力、細細力，慢慢放手，等佢慢慢吸！ 係咪幫到手呢？

近幾年，越來越多朋友屋企都有部香薰機，佢地話：以前點香薰，點都要小心 D 火，依家用機，安全好多。就算夜晚開部機訓覺都無問題，唔洗擔心。 唔傾開唔知，原來香港的香薰機好貴。有牌子的，過千一部十分平常。嚇了 Kuluma 一跳。 因為，德國香薰名牌 Primavera 的香薰機，都不過是港幣幾百。如果唔要名牌，HK$200- 300 就有唔錯既選擇。要過癮 D 既，都唔過 $400 (例：恐龍蛋)。 Kuluma 都忍唔住買左部平野，同貴野有咩唔同？ 1. 輕：貴野同常有部份係陶瓷、或木，比較重。 2. 噴霧模式：貴野多 D 花款。平野通常係 2-3 個選擇。 3. 燈：貴野可能會自己轉色，平野可能係要人手轉，或無其他顏色。 4. 音量：貴野可能會靜 D，平既可能大聲少少。 Kulu 舅父之前到訪，都買左部 Primavera 香薰機。同買既平野比較，Kuluma 覺得分別不大。至於嘈，我諗係香港絕對唔係問題。 再加上德國電壓同香港一樣，所以真係諗得過。 唯一麻煩少少既，係要轉一轉插頭 (由歐洲2腳圓頭轉香港 3 腳方頭)

好多人問 Kuluma 德國 Lego 係咪抵 D，答案係肯定，尤其係限量版，或特價時真係會抵好多。Kuluma 有個朋友來德國旅行，見到特價 Lego，忍唔住搬左盒大大盒返香港。又好似前排 Lego 特別版 Yellow Submarine，係德國買，計埋連郵費就會平過香港。唯一缺點係要等 2-3 星期 郵寄時間。 今日 Kuluma 又見到以下呢個 全球限量版 Lego 白色聖誕，依家係德國 Lego 官網都有得賣，價格 69,99 €。 通常，限量版的價錢企得好硬，好少會平。但其他款就好多時會遇到勁靚價。 其實 Lego 官網有時都會出特價貨，不妨得閒上官網睇睇。

還記得 Balea 的7日煥膚安瓶嗎？就是那盒將 Kulu 舅父塊面變返滑滑淨淨的7日煥膚安瓶。 前排，Balea 出左一款新安瓶，對像是比較成熟肌膚。既然它之前的安瓶相當出色，新貨，無理由唔介紹。(hm... 可能適合阿媽) 新安瓶結合精華(水) 與植物油 (油)，使用前要先輕輕搖勻。水的部份能極速順滑肌膚，撫平細紋。油的部份是摩洛哥堅果油與葵花籽油，滋潤肌膚。再配合維他命 E 和迷佚香的抗氧化功能，支援肌膚的自然防護能力。 【Balea Ampulle Vital 2-Phasen Kur】 7 ml Balea 雙重療效安瓶 § 主要成份：甘油、梨果仙人掌精華、番石榴精華、水解荷荷巴油、維他命原 B5、透明質酸 § 用法：潔面後，先將安瓶搖勻，再小心打開。將精華搽上面、頸位置，輕輕按摩至吸收。之後可再搽日 / 晚霜。

BB 的肌膚細嫩，面更似剝殼雞蛋般嫩滑，要保護如此幼嫩的面部肌膚，Weleda 金盞花系列也有專為 BB 面部而設的面霜，和冬天抵抗寒風龜裂的防風面霜。 【Weleda Pflegecreme Baby Calendula Gesichtcreme】 50ml Weleda 金盞花嬰兒面霜 § 主要成份：金盞花精華、洋甘菊精華、綿羊油、蜂蠟 溫和的滋潤BB 幼嫩敏感皮膚，迅速吸收、鎮靜敏感肌膚，使肌膚時刻保持滋潤。能預防肌膚發炎。 【Weleda Calendula Wind- und Wetterbalsam】 50ml Weleda 金盞花嬰兒潤膚霜 § 主要成份：金盞花精華、杏仁油、蜂蠟 產品不含水分，持久保護肌膚。含豐富植物油，為肌膚補充天然養分。能有效預防和緩解因寒冷等惡劣環境引起的乾燥脫皮和過敏等症狀。

Nuk 既 BB 產品，大家都有信心。通常見到 Nuk 的口腔護理產品是俾大 B 既特製牙刷。其實佢仲有一套 3 個月大 BB 適用既 口腔護理套裝 特殊設計的牙擦手指套，方便父母將套入，再加上不含糖分的天然蘋果香蕉味道的牙膏，讓父母可替 BB 清潔，又讓 BB 習慣擦牙。 本產品不含 BPA。

無論幾勤力搽護膚品、幾勤力做 Facial，如果漏左照顧雙手，年齡的秘密就好容易洩露。所以，自細阿媽就會教女洗碗要帶手套，記得要搽 cream。 但是，當人長大了，瑣碎的工作總會讓你忽略雙手的護理。到你覺得要護理的時候，可能已經變得好粗糙，很多紋。這種情況，尤其在成為阿媽後更明顯。 就算 Cream 不離身，都好似幫唔到幾多。因為，轉個彎又要洗手沖奶，又或是同 B 沖涼換片，再唔係煮飯洗換...... 幾百樣野，都係要搞到雙手。 既然時間有限，唯有定期做下 treatment。 前排，發現 Alverde 出了一隻手部護理油，細細枝，但專針對粗糙的手。只要定期修護，情況必定改善。 【Alverde Handpflegeöl】 13 ml Alverde 手部護理油 有機杏仁油能針對粗糙的雙手，使乾燥的雙手變得柔軟，同時能消炎止痕、減少倒刺。 § 主要成分：有機杏仁油、向日葵油、乳木果油、維他命E、甘油 § 用法： 1. 用附屬吸管滴幾滴在手上，按摩至吸收。需要時可重覆使用。 2. 手部磨砂：滴幾滴手部護理油，加少少砂糖，就是最好的手部磨砂護理品。

上次介紹沐浴潤膚 2 合 1 的方法，今次就介紹下護膚霜和護臀膏。 護膚霜就是 Body Cream，一般來說，除了面外，全身都用得，而護臀膏主要係搽係屁股仔，等 BB 包住片又整濕左，可以隔開，唔會咁易敏感同空。 唔講唔知，Weleda 的護臀膏唔單止可以搽屁股仔，仲可以夏天 BB 或小朋友有熱屝，皮膚敏感、出紅疹時用。非常方便好用。 至於護膚霜，就可以在平時沐浴後用，薄薄的一層就足夠滋潤保濕 (尤其適合冬天使用) 【Weleda Pflegecreme Calendula】 75 ml Weleda 金盞花嬰兒保濕護膚霜 § 主要成份：金盞花精華、水、甜杏仁油、芝麻油、羊毛脂、蜂蠟、洋甘菊香薰油 金盞花和洋甘菊能鎮定舒緩肌膚，對治理濕疹，有很好的效果。杏仁油和芝麻油溫和護理肌膚，促進皮膚修復能力。蜂蠟和羊毛脂，深層保濕，形成天然保護膜。 【Weleda Wundschutzcreme Calendula Babycreme】75ml Weleda 金盞花嬰兒護膚護臀霜 § 主要成份：金盞花萃精華、洋甘菊精華、綿羊油、蜂蠟 溫和的滋潤BB 幼嫩敏感皮膚，迅速吸收、鎮靜敏感肌膚，使肌膚時刻保持滋潤。能預防肌膚發炎。 § 用法：取少量護膚霜搽在皮膚敏感位置或屁股仔，輕輕按摩至吸收。

記得 Kulu 姨 第一次見到 Kulu，忍唔住講左句：話！Kulu 眼睫毛又長又密，好靚啊！ 絕對遺傳了 Kuluba ，因為 Kuluma 的眼睫毛又梳又短，搽 Mascara 要掃完又掃先有 D 效果，但是一個唔覺意又溶，只有再加一層透明Mascara。真係好重好重。 咁麻煩，結果當然係懶，由得佢。 前排，好多人推薦一隻睫毛修護液，話好得。臨床測試又話持續使用 4 - 6 星期會見到明顯的改變。 雖然 Kuluma 已經懶搞 D 眼睫毛，但人人都話佢好得，無理由唔向大家介紹。 【Balea Wimpern Serum Teint Perfektion 】4.5ml   Balea 睫毛修護精華 § 主要成份：活性肽能速進睫毛的生長，使它變得濃密和增長。尿囊素、維他命B7等則能幫助組織生長。 § 用法：早晚將精華輕掃眼乾淨睫毛根位，再等它乾即可。 ◎ 不含香料

 近排，Kuluma 無意中發現，德國製的玩具係香港賣得好貴好貴。 細細件既平價玩具，計埋郵費相差無幾，但大件又貴 D 既，係德國買係可以平一半，加埋郵費，都平過香港好多。 相信唔少人都聽過德國 Fisher 呢個品牌，佢係香港賣好多 BB 同細小朋友既用品和玩具。其實佢仲有一條 Line 做教育玩具 (如圖)， 適合讀小學既小朋友，係體驗世界最先進教育理念的教育工具。 叫：Fisher Technique  賣乜？ 簡單來說，係等小朋友自己砌既玩具車、摩天輪等會郁既野。 同 Lego 有乜分別？ 有，因為所有零件都要自己砌，係玩具與模型的合體。 即係點？ 如果你有去過科學館，就會見過科學管有座好大既機械，等 D 波碌落黎。Fisher Technique 既玩具就有呢一款，等小朋友自己砌。 重點係：係香港某大書局 (商 x) 賣緊 HK$1799，係德國唔洗 90 Euro。 唔信差咁遠？ 再舉多幾個例： 機械人發現裝置 HK$7999 (德國價：唔洗 Euro 400，即係 HK$3xxx !!!!) 超級遊樂園 HK$1999 (德國價：唔洗 Euro 100，即係 HK$8xx !!!!) 結論係：想入德國貨，格格價可能差唔多平成半！！

 BB 肌膚幼嫩，要用溫和的沐浴露，之後又要搽上護膚霜保濕。同BB 沐浴，總要萬二分小心，之後仲要搽 cream 著衫。 如果可以沐浴護膚 1 次過，慳時間之餘又不用擔心 BB 皮膚不夠滋潤，實在是媽媽的天大喜訊。 原來真係有方法！ 德國的助產士不但在醫院幫忙接生，還會輔助 / 指導媽媽由懷孕至產後料理，甚至拆線等工作。 她們不建議 BB 掉臍帶前就替 BB 沐浴。 咁屁股仔點算？真係唔洗？ (可用紗布沾暖水清洗，再搽 Cream)  § 至於邊隻，要留意乜，下篇再講。 今次主要講既係 2 合1 沐浴護膚的方法。適用甩左臍帶後 BB。 原來方法很簡單，將BB 沐浴露 加 BB護膚油 1: 1 的分量，加入浴盤，再替 BB 清洗。沐浴後就已經夠滋潤，不用再搽 Cream。 乾唔乾淨架？ 其實 BB 食完就訓，訓完就食。冬天幾乎唔會出汗，夏天又會開冷氣，怕佢皮膚太乾多 D。 咁頭仔呢？ 用清水洗就 OK la。再大 D 先轉另一款2 合 1 ：洗頭沐浴 2 合 1。 咁，佢地推介邊隻牌子，邊樣產品？ 佢地推介德國 Weleda，「金盞花嬰兒沐浴乳」 和「金盞花嬰兒護膚油」 【Weleda Baby Calendula Bad】 200 ml Weleda 金盞花嬰兒沐浴乳 金盞花、百里香能舒緩和安撫 BB 幼嫩的肌膚，預防和輔助治療濕疹的症狀 § 主要成份：金盞花、百里香、蔗糖膠等。 【Weleda Baby Calendula Pflegeöl】 200 ml Weleda 金盞花嬰兒護膚油 金盞花油有天然護膚功能，是理想的嬰兒護理油和按摩油。 § 主要成份：甜杏仁油、黑芝麻油、蜂臘、綿羊油、安息香膠，亞麻油、金盞花精華、德國洋甘菊精華 § 用法： 按摩：取少量油放在手心，磋暖後輕輕按摩BB全身至吸收。 沐浴潤膚 2 合 1 ：在BB浴盤先放暖水，再將「金盞花嬰兒沐浴乳」 和「金盞花嬰兒護膚油」以 1:1 的比例加入，輕輕搞幾下。測試水溫合適，就可以替 BB 沐浴。

Primavera 和 Dr. Hauschka 係德國兩大有機護膚品牌。佢地既產品係香港都唔平。雖然係德國可以平好多，但未試過買返屋企又唔知適唔適合。買左用唔到，真係好浪費。 Kuluma 享受緊買德國平價護膚品既樂趣，叫我貿貿然未試過就投資D「貴野」，都有 D 猶疑。直到有日係舖頭見到有 Trial set 賣，當堂唔同講法。 香港 Primavera 專門店主要賣香薰，其實佢既護膚品都好出色，價錢大概係香港 IPSA 價。Dr. Hauschka 既價錢都比香港平好多，好似神仙水就可以平 50%。 最可愛的是兩個品牌護膚品都有出 Trial set ，1 套有幾枝細細枝，按不同肌膚需求分類。Kuluma 去年都忍唔住各自買了套去試，感覺良好。依家偶然都會買下黎用。 個 Trial set 有乜？ 不如先睇下 Dr. Hauschka 的 Trial Sets，一共有3套，分別係俾 3 種不同肌膚： Clarifying Skin care set (適合 中/乾/敏感性肌膚) HK$200 - Cleansing milk 律動洗面奶 10ml - Cleansing cream律動洗面膏 10ml - Facial toner律動調理液 10ml - Revitalising day cream 保濕日霜5g - Quince day cream 木梨日霜5g - Rose day cream玫瑰日霜5g Face Care Kit (適合 混合/油性肌膚) HK$200 - Cleansing cream 律動洗面膏 10ml - Clarifying toner 特殊調理液 10ml - Clarifying day oil 律動面部調理油 (有助平衡油) 5ml - Melissa day cream 香蜂草蜜平衡控油日霜(油肌混合肌) 5g - Clarifying (facial) steam bath 律動蒸臉精華 10ml Regenerating Skin Care Kit (適合 成熟肌膚) HK$300 - Regenerating Eye Cream 修護再生眼霜 2.5ml - Regenerating Serum 再生修護精華 2.5ml - Reg

想小朋友既牙仔靚，要由 BB 時候開始養成口腔護理既習慣。未出牙，唔代表乜都做唔到。 其實，未出牙之前，每次飲完奶，就可以用乾淨的紗布輕輕抹過將來牙仔位置。等 BB 習慣口腔清潔。 市面上有唔少 BB 口腔護理產品，例如：一個類似手指套的布，一枝特制牙擦。 今次為大家介紹係一套 3 個月大 BB 可以開始用既： 口腔護理手指套 + 牙膏 【Nuk Mundpflegeset ab 3 Monate】 Nuk 口腔護理套裝 (3個月大 BB 適用) Nuk 既 BB 產品，大家都有信心。通常見到 Nuk 的口腔護理產品是俾大 B 既特製牙刷。其實佢仲有一套 3 個月大 BB 適用既 口腔護理套裝 特殊設計的牙擦手指套，方便父母將套入，再加上不含糖分的天然蘋果香蕉味道的牙膏，讓父母可替 BB 清潔，又讓 BB 習慣擦牙。 本產品不含 BPA。

記得十幾年前經過時代廣場，Clarins 在做 Promo，便走去買特價套裝。當時 Sales 姐姐想游說我買頸霜，說：「女人 25歲後要開始搽，如果唔係年紀再大，頸紋會現得好快。」 結果，成功忍手唔買。 十幾年就這樣過了，Kuluma 至今還沒有頸紋，原因是一直以來，每天早晚洗面後，由爽膚、精華、面霜至放曬，都會順便搽埋頸。 看來，策略成功。 切記，搽 cream 唔好漏左頸。 不過，假如真係出現細紋，就可能真係需要枝頸霜或精華幫下手。 【Balea Serum VITAL Straffende Hals- und Konturenpflege】 50 ml Balea VITAL 頸部緊膚及輪廓修護精華 產品能協助提高頸部肌膚的彈性。測試顯示持續使用4周，肌膚變得更緊緻細密，彈性增加，而且變得更水嫩順滑。 § 主要成份：甘油、維他命原 B5、黃原膠、乳木果油 § 用法：早晚潔面爽膚後，取適量搽上面頸位置。此精華甚至可以當 Make up base 使用。(不過不含防曬)

  BB 識笑之後會越來越好玩，父母也越能解讀 BB 的喊聲。理論上，天賜好玩 B ，人生樂事... ...  事實上，另一段難眠關口正等著父母... ... 出牙仔 BB 出牙仔前 / 時，會突然好鍾意咬野，牙肉又會腫，有時仲會發燒。這段時間，BB 會很容易喊，特別扭計。 解決辦法，最常見的是：買件可以雪凍的牙膠，讓他拿著咬。 但是，如果牙肉很腫，BB 又唔肯咬牙膠 (好似Kulu 當年)，就只有搽 gel 【Dentinox-Gel N Zahnungshilfe, 10 g】 當年 Kulu 出牙，脾氣暴躁，一 D 都唔可愛，Kuluma 「頂佢唔信」，於是將他困在 BB 床上，關上房門，由得佢喊。這樣的情況，天天上演。 直到 Kuluba 買了 Dentinox 出牙仔用的 Gel 回來。他說搽在 Kulu 出牙仔的地方，能舒緩牙肉腫痛。原來真係得。 後來，發現德國很多小朋友出牙仔時都有用 Dentinox gel。 § 用法：飯後或睡前，用乾淨的手指或棉花棒，輕輕將 Gel 搽在腫脹的牙肉上。 ◎ 產品不含糖份。

第一次用 3 合 1 潔面卸妝水，是 Clarin 套裝既禮物，味道雖然好吸引，個妝又落得幾好，但用完總係覺得塊面好似仲滑潺潺，唔乾淨。自此之後，與 3 合 1 絕緣。 近排，因緣際會下又買左另一枝，寫住係潔面水的產品，用之前再仔細一看，原來可以卸埋妝，係卸妝、潔面、爽膚三合一。 感覺如何？ 完全。唔同 Clains 既感覺，不但唔孱，仲好滋潤。最適合乾燥既 【Balea Mizellenreingung wasser Mischhaut und sensible Haut】 400 ml Balea 潔面卸妝水 ◎ 適合混合及敏感肌膚 ◎ 不含香料 呢枝3 合1，400ml 大大枝，性質溫和，唔小心入眼都唔會覺得唔舒服，卸完後又唔乾，又唔潺。而且更獲得德國ÖKO Test測試的非常好(sehr gut) 的評價，絕對值得推介。 § 主要成份：維他命原 B5、甘油、金縷梅 § 用法： 1. 將適量的潔面卸妝水放在化妝棉上 2. 用化妝綿輕輕抹面及眼部，直接面上所有污垢、化妝殘漬被徹底清潔 3. 無需清洗 4. 用毛巾將多餘的水分抹走即可。

BB 的腸胃好弱，好容易肚仔唔舒服。直接飲 Mamami 的還好，飲奶粉或用奶樽飲 Mamami 的BB 就比較麻煩，好容易肚仔唔舒服。 點解？ 用奶樽飲奶，好容易入氣，肚仔一漲，氣出唔到，就會肚痛 → 喊 飲配方奶粉奶，便便通常比較堅硬，出唔到，又會肚痛 → 喊 當 BB 出生不久，媽媽還沒有摸清他們不同頻率、節奏的喊聲，真係好頭痛，唔知點算好。 所以，準備一枝「肚仔按摩油」旁身，絕對有需要。 【Weleda Baby Bäuchleinol 】 Weleda BB 肚仔按摩油  肚仔按摩油能放鬆 BB 肚仔的壓力，舒緩痛楚。配合輕柔的按摩，能幫左 BB 排氣或排便。天然馬郁蘭精華油，洋柑橘和小豆蔻則能緩和消化。 § 主要成份：甜杏仁油、馬郁蘭香薰油，洋甘菊香薰油和小豆蔻香薰油 § 用法：將少量按摩油放在掌心，輕輕搓暖，然後以順時針方向將油搽在 BB 肚仔，直至肚臍位置，再向下搽向左邊大腿位置。這個按摩方法能協助 BB 排走肚內多餘氣體。 ◎ 評價：Kuluma 身邊的德國朋友，如果 BB 食奶粉，都會用肚仔按摩油。佢地話，試過唔用，BB 個肚真係谷住好耐，不停喊。一用按摩油推一陣，D 氣一出，即係靜晒。

每年秋冬，Kuluma 都會轉用更滋潤保濕的洗面爽膚產品，除了Alverde 的野玫瑰潔面乳、Balea 的三合一潔膚水外，Balea 的潔面 Mousse 都總會買枝來用。 為甚麼要轉？不能一枝用過世嗎？ Kuluma 總覺得天氣不同，護膚品也要因時而擇。洗頭水、護髮素、牙膏都要久不久轉一轉，護膚品當然不例外。 夏天潔面用 Gel、用泡泡，冬天就用 Milk、用 Mousse。 【Balea Waschcreme Reinigungsmousse】 100 ml Balea 潔面 Mousse 牙膏狀的枝裝 Mousse，唧少少加少少水，就可以搓到很多很細的泡沫，淡淡的香味，洗完又面部不覺得猛猛緊，非常適合乾燥的秋冬使用。此外，還可以輕度卸妝，非常方便。

好多時，當 BB 剛出生，新手媽媽總發覺自己的 Mamami (母乳) 不夠。護士總會告訴你，Mamami 一定夠，只要你夠勤力，日餵夜餵，再日泵夜泵，便很快解決問題。 不過，生 B 已經夠辛苦，開刀生 B 後還要日餵夜餵，再日泵夜泵，絕對像收買人命。(當年 Kuluma 就是這樣，24 小時無得眠無得休。Kuluba 睇左一個星期後，下旨：加奶粉。Kuluma 才能好好的連續睡3小時。) 看見這裡很多開刀生 B 的媽媽完全不需泵奶，埋身就喂，阿 B 又飽。實在時一大問號 「？」 莫非東西體質大不同？ 她們又沒有湯水、又不用坐月，為什麼可以餵得輕鬆？ 直到最近，朋友 D 才解答了我的疑惑。原來她們會在懷孕最後的日子，勤力搽油。 搽：乳房按摩油 (哺乳油) 【Weleda Stillöl】 Weleda 乳房按摩油 (哺乳油) § 功效： - 刺激乳腺暢通、增加乳汁分泌。 - 紓緩懷孕時乳房緊繃的感覺 § 主要成份：甜杏仁油、馬鬱蘭香薰油 § 用法： - 懷孕 38 週開始，早晚使用 - 將油放在手心搓暖，然後在乳房上輕柔的打圈按摩 - 在哺乳前的半個小時內按摩，每天兩到三次，每次 5 分鐘 - 記得避開乳頭和乳暈 - 當奶量滿意，便可以停止按摩。 ◎ 不含防腐劑、染色素、合成香料或礦物油。 評價： 朋友 D 擔心生 B 後上奶不夠快，所以在 32週開始早晚搽按摩油，結果奶量多到可以餵雙胞胎，她說 5 分鍾內單邊可以輕易泵到 100cc。

 近排，有人問 Kuluma ，1盒7枝的安瓶是否要連續用。通常 Kuluma 建議7枝作為一個改善肌膚的療程，要久不久做一次。不過，如果某天覺得好乾，也可以開枝來改善。 講到改善，有一隻德國安瓶，被人稱為「救命水」，話：補濕快過打針。 呢隻安瓶係香港賣得好貴，好多時美容院要 HK$1200。但係都好多人買。 既然係德國貨，Kuluma 當然去八下，原來係德國平好多，可以平一半！！！ 【Viscontour Serum Ampullen】 Viscontour 透明質酸精華安瓶  Viscontour 係法國品牌，德國製做。它的安瓶含高濃度的透明質酸，真正深層保水，修護肌膚細胞，撫平皺紋，令肌膚回復彈性緊緻、飽滿光澤。 不含防腐劑或化學成份。敏感肌膚、準媽媽都可以使用。而且還可以淡化眼紋，眼部周圍也可以搽。 這款安瓶有兩個包裝： 1. 1ml x 20枝 (淺藍色) 1次1枝，適合急救用(極速補水、降紅、撫平細紋) 2. 0.45ml x 30枝 (深藍色) 每晚1枝，已經夠全面，適合每晚修護。