Kuluma Shopping in Germany - 德國抵買精選

如果屋企有個浴缸，你就會知道秋冬浸浴有幾寫意！ 返工做到散晒，浸一轉，成個人鬆晒； 心情唔好？用隻啱feel 嘅浴油，浸一轉，個人定返又無咁Sad. 以前係香港，為咗有得浸，專登買個用膠做、摺得埋「浴缸」。 德國差不唔多家家戶戶都有浴缸，浸浴產品多不勝數，唯一要計嘅，係德國水費貴香港成倍有多！ 耐唔耐浸下，唔緊要啦！（Kuluba 話嘅！） 德國嘅浸浴產品，絕對花多眼亂，例：針對腰酸骨痛、肌肉痛、肩頸痛等，當然唔少得放鬆舒緩，仲有專位女性而嘅玫瑰浸浴產品。 最可愛嘅係，一包一次，方便之餘又可以試完一包下次試第二包。 不過，玫瑰，通常都無一包包。 今日，我哋就講無得一包包買嘅玫瑰浸浴產品...... 自從用過好Spa Feel 嘅 Weleda 野玫瑰安瓶之後，Kuluma 買咗支同系列嘅浸浴產品 ：Wildrosen Creambad 野玫瑰浸浴乳，希望繼續Spa feel 落去。 一加落浴缸，玫瑰香味隨蒸氣蔓延，滿佈成個浴室。吸一大口氣，成個人都甜晒。 浴乳內有荷荷巴油，浸完之後滋潤唔乾身，沉浸係玫瑰香氣下，心情變得平和。 唔知呢d係咪所謂嘅香薰療法呢？   *********************************************************************** 【Weleda Wildrosen Creambad】100ml 榮獲德國產品測試 （Oko Test) 非常好評價既優質產品，性質溫和，滋養肌膚，再加上荷巴油和橄欖油，有效防止水份流失。 * 不含任何能起泡的表面活性劑和合成乳化劑。 § 主要成份：水、荷荷巴油、橄欖油、酒精、甘油、大馬士革玫瑰果油 § 用法：將3-4瓶蓋浴乳加入一缸水，浸10-20分鐘 * 其實weleda 仲有好多浸浴產品架，有機會再同大家介紹 ×××××××××××××××××××××××××××××××××××××× 【Dr Hauschka Rosen Bad】100ml 蘊含玫瑰露、玫瑰精油和玫瑰花瓣精華，怡人嘅香味不僅慰藉心靈，配合杏仁油和荷荷巴油，細緻呵護肌膚，使肌膚倍感嬌嫩柔滑。 § 主要成份：水、大馬士革玫瑰花水、大馬士革玫