Kuluma Shopping in Germany - 德國抵買精選

 BB 產品琳瑯滿目，單係沖個涼都可以有 N 咁多種沐浴露，仲要係同一個品牌添。如果真係洗頭、沖涼、浸浴、Cream、lotion 逐樣買，間屋就會多左好多枝大大小少既 BB 產品。 香港人既屋企細，大家又忙，最好洗頭沐浴 2 合 1，加枝 Pat Pat cream，同埋多用途的萬用cream / lotion，3 樣就搞掂！ Kuluma 都係懶人，最緊要方便，所以當年 Kulu 都係主要用 3 樣，不過德國冬天好凍，所以先再加枝防風面霜。 如果你都鍾意方便，不如試下好似 Kuluma 咁3 樣夠晒數！ 【Alverde Waschlotion und Shampoo Baby Kopf bis Fuß】 200 ml Alverde 嬰兒二合一洗髮沐浴露 § 主要成份：有機乳木果、有機洋甘菊精華、杏仁油 潔淨之餘能滋潤寶寶幼嫩的肌膚，舒緩敏感頭疲，使頭髮更柔軟易梳。 【Alverde Pflegelotion Baby】 200 ml Alverde 嬰兒潤膚露 § 主要成份：有有機乳木果及洋甘菊精華，能迅速被皮膚吸收。有機蘆薈、金盞花則能滋潤肌膚 【Pflegecreme Baby】 75 ml Alverde 天然嬰兒護膚膏 (護臀膏) 有機乳木果油及有機洋甘菊精華能迅速滋潤敏感肌膚，山金車花精華能有效舒緩皮膚過敏和損傷。 § 主要成份：乳木果油、黑大豆油、甘油、洋甘菊精華、山金車花精華、黃原膠、維他命E

# 補濕 # 膠囊 # 護膚 # 精華 # 急救 # 秋冬必備 # Balea # 面 除了之前向大家介紹的 Schaebens 精華膠囊外，德國有很護膚品牌都有出精華膠囊 (粒粒)。其中一隻又抵又保濕，值得向大家推介。 有人問，咁多款「粒粒」，應該用邊隻？ 按肌膚和當時氣候來選擇吧！例如：覺得乾，就用保濕；平時上 firm d，就用緊緻或 Q10。 【Balea 保濕精華膠囊】 § 主要成份：橄欖油和維他命E能滋潤乾燥的肌膚，再加上海藻精華，進一步防止水分流失，調節肌膚水份平衡。 § 用法：1日1粒。潔面爽膚後，扭在一粒膠囊，用指尖將精華輕輕搽上面部和頸部，避在眼和嘴位置。 § 本產品可持續使用

# BB系列 # 護膚   BB 成日包住片片，有時換得唔夠快，屁股仔就會紅晒，有時仲出埋尿布疹，又痕又痛。 當這種情況出現時，方法有二： 1. 抹乾淨後，用風筒吹乾，再得屁股仔透下氣。 2. 抹乾淨後搽厚厚既 cream。不過就算幾輕力搽 cream，BB 都會覺唔舒服。 依家就方便好多啦！ 因為 BB pat pat cream 出左噴霧裝，唧一唧、噴一噴，搞掂。 【Bübchen Wundschutz Spray】 100 ml Bübchen有機金盞花護臀噴霧 金盞花能舒緩受刺激的肌膚，維他命原 B5能使傷口加快康復、並滋潤肌膚。獨有的噴霧頭，不但方便父母，也可以減輕寶寶搽 cream 時的不適。 § 主要成份：有機金盞花、維他命原 B5 ◎ 產品不含類固醇、防腐劑、礦物油及香料。

# 秋冬必備 # 感冒 # 天然 # 浴油 # 看門口 之前同大家介紹過感冒浴油，今日就寫下感冒浴鹽啦！ 一包一次，主要成份都係來自尤加利樹。 【Tetesept Meeressalz Erkältung】80 g 包裝 / 600g 樽裝 Tetesept 感冒浴鹽 - 100% 天然海鹽； - 不含防腐濟、礦物油、石蠟和矽； - pH 中性； - 含種香薰油：包括樟腦、迷迭香油、尤加利油等； - 通過皮膚測試 有效舒緩鼻塞等傷風感冒症狀，放鬆氣管。死海鹽內的礦物質則能滋潤肌膚。 § 用法: 1. 放大約一個浴缸滿的暖水 (35-38°C) 2. 加1包感冒浴鹽 (600g樽裝，則放約50g) 3. 浸 10 - 20 分鐘 (避開眼、嘴位置) 4. 起身抹乾，著衫保暖，最好能休息最少15分鐘。 5. 每星期可使用3次 ◎ 注意事項: 1. 4 歲以下切勿使用 2. 對上述成份敏感，切勿使用 3. 懷疑自己懷孕、懷孕或餵人奶，切勿使用 4. 發燒、高血壓、嚴重感冒、哮喘、百日咳、皮膚敏感、皮膚損傷，切勿使用 5. 感冒嚴重，應睇醫生，不要使用 6. 不要同時間使用其他沐浴或浸浴產品，以免影響效果。

# BB系列 # 感冒 # 秋冬必備 # 浴油 # 天然 大人感冒，仲可以忍下。 BB 細路感冒，只會搞到一家大細都無覺好訓，仲好容易一個轉身，惹到成家人都病。 Kulu 每次感冒都會惹到成家人病晒，佢就 3 幾日好得返，我地就起碼兩個禮拜。佢越病得耐，我地就越麻煩。 所以，每當佢感冒一起，我一定捉佢去浸浴 (加左感冒香薰既)，等佢舒服 D Kulu 已經係小朋友，當然可以用感冒香薰，咁 BB 點算？ 唔洗擔心，呢度都有 BB 用既感冒浴油。(不過要足6個月先用得) 【Panaten Badezusatz Erkältungsbad】 125 ml Panaten 感冒浸浴 產品能舒緩咳嗽感冒引起的症狀，BB 小朋友舒服 D，大人就無咁辛苦。 § 主要成份：百里香油。 § 用法： 1. 暖水 35-38°C 2. 加浴油 - 6個月以上：30L 水加2.5ml浴油 （約1/4瓶蓋） 　　 - 2歲以上： 40-50L 水加5ml浴油 （約1/2瓶蓋） 　　 - 6 -12歲： 50-60L 水加10ml浴油 （約1瓶蓋） 　　 - 12歲以上及成人: 100L水加20~30ml浴油 （約2-3瓶蓋） 3. 浸約 10 分鐘。最長不能超過 20 分鐘。 4. 起身抹乾，穿上保暖衣物，休息。 ◎ 注意： 1. 對百里香敏感，切勿使用 2. 感冒嚴重，逾一星期還未康復，請儘快睇醫生 3. 浸浴時切勿同時使用其他沐浴產品，以免影響效果 4. 發燒時切勿使用 5. 此產品不能消除感冒，只能舒緩症狀 6. 6 個月以上 BB 適用。 7. 產品不含薄荷

# 感冒 # Primavera # Dasgesundeplus # 浴油 # 天然療法 # 舒緩感冒 # 秋冬必備 # 看門口 浴鹽、浴油大家都聽得多，有無聽過感冒浴油？ 當開始入秋，很多品牌就推出感冒浴油既廣告，主要成份來自尤加利樹，有抗菌、鎮痛既功效。 點解？ 因為德國既醫生，好少開藥。 傷風感冒點算？叫你返屋企飲多 D 水、休息多 D，過幾日就好。 咳到甩肺點算？最多開少少止咳藥等你夜晚可以訓到。 所以，唯有尋求較自然的舒緩方法。 之前為大家介紹 Primavera 感冒療法，就是其中一種。 【Primavera 傷風感冒產品】 https://www.facebook.com/kulumashop/posts/1618341828459461 又或者試下以下兩款效果唔差的產品：一款係感冒浴油，一款係感冒浴鹽。 【DAS gesunde PLUS Badeöl, Erkältungsbad, Arzneibad Eucalyptus】 DAS gesunde PLUS 感冒浴油 250 ml (大大枝) Das Gesude Plus 和 Alverde、Balea 屬於同一間商舖的專屬產品，(有 D 似惠康實惠牌)，不過佢地既質素絕對有番咁上下，很多產品在德國產品測試中成績彪炳。 該產品能有效舒緩鼻塞、 流鼻水、打噴嚏、咳嗽、 傷風感冒、 流感、 支氣管炎等症狀。 § 主要成份: 尤加利樹油 § 用法: 1. 放大約一個浴缸滿的暖水 (35-38°C) 2. 加 10-20ml 感冒浴油 (約 1/2 - 1 個樽蓋) 3. 浸 10 - 20 分鐘 (避開眼、嘴位置) 4. 起身抹乾，著衫保暖，最好能休息最少15分鐘。 5. 每星期可使用3次 ◎ 注意事項: 1. 2歲以下切勿使用 2. 對上述成份敏感，切勿使用 3. 懷疑自己懷孕、懷孕或餵人奶，切勿使用 4. 發燒、高血壓、嚴重感冒、哮喘、百日咳、皮膚敏感、皮膚損傷，切勿使用 5. 感冒嚴重，應睇醫生，不要使用 6. 不要同時間使用其他沐浴或浸浴產品，以免影響效果。 7. 請存於陰涼地方, 避免陽光直接照射。 8. 開封後，存於陰涼地方，可存放12

# Nuk # 奶泵 # BB系列 德國既 Nuk BB 產品很出名，質量好，價格公道。其實，德國的 BB 產品一 D 都唔貴，比香港平好多，尤其是 BB 必需的奶粉。 香港的媽媽要去為 BB 爭奶粉，德國的媽媽也有這個煩惱，因為被某國人掃清。最後，店舖貼出限買字條 (用簡體中文寫的)，甚至要選購者出示 Baby pass 才可限量選購。(德國每個 BB 都有本 Baby Pass，記錄由出生至5歲的身體檢查狀況) 想唔同人爭，一系食隻無咁 Hit 既奶粉。唔講唔知，好多時奶粉製造商會同時生產幾隻不同價錢的品牌，成份其實差唔多。只要 BB 飲落 OK，實在無必要用貴貨。 當然，最好的製造商就是媽媽牌。 至於Nuk 奶泵，將為大家介紹兩款：手動與電動 【NUK Luna 智能電動吸奶器】  • 雙重智慧吸奶系統，模擬寶寶吸奶情況 • 單手操作 • 可用乾濕電 (乾電大約可持續使用1小時55分) • 除摩打外，其餘配件皆可消毒與清洗 • 適用NUK寬口徑奶瓶及奶嘴 【Nuk Jolie 舒適型手動吸奶器】  • 可單手使用，操作簡單方便 • 輕易調校吸力大小 • 配有柔軟的矽膠軟墊 • NUK 寬口徑奶瓶適用 • 清洗容易：除了把手主機外，其餘配件都可以清潔與消毒

# 眼霜 # Belea # 敏感 # 護膚 # Q10 前幾日介紹過超敏感洗面乳和爽膚水，有人問：咁眼呢？ 有，其實同一品牌同一系列還有眼霜和洗面 Gel，Kuluba 塊面就係勁敏感肌膚，即係剃下鬚到會紅晒果種 (佢係我見過最敏感易紅既皮膚)。之前佢試過好多唔同既洗面產品都係繼續敏感繼續紅，只有呢隻比較好少少。 Kuluma 曾經建議佢試下德國 La mer 既洗面乳，佢話「貴」(吹漲！貴極都追唔上 IPSA 啦！) (以前係香港用過我既 IPSA 覺得好好，就買左枝俾佢用。到現在，還是覺得好好。不過，你叫我係德國點變間 IPSA 出黎？再者 La Mer 既洗面比 IPSA 更好又更平，佢竟然話貴！) 好，由得佢，就買隻平野俾佢用。 如果你係「超敏感」人，又想試下又平又好用既眼霜，呢隻相信會適合你。 不過，佢一 D 香味都無！未必個個習慣。 【Belea Med Augencreme Ultra Sensitive Q10】15 ml 超敏感眼霜 本產品對像是超敏感肌膚，所以不含任何香料和至敏物質。含 Q10、維他命E、維他命原B5、尿囊素等，持續使用能提高肌膚水份，撫平細紋。 § 主要成份：乳木果油、二辛基醚 (來自椰子油的植物油，無色、無味)、向日葵油、甘油 § 用法：早晚潔面爽膚後，用指尖將少量眼霜輕輕拍在眼部四周。

# 奶泵 # Medela # BB系列 德國鼓勵媽媽餵母乳，剛開刀生完唔夠奶，唔緊要，醫院會寫定紙叫你去藥防租定一部奶泵，等你一返屋企就有得用。點解？ 佢地話，你越泵泵得密，就會越快出得多。 當年，Kuluma 借返屋企既泵就係 Meleda 超大座既單泵。 時至今日，泵越出越輕巧，今次找來3 個不同既款式，比較過香港和德國既價錢，發覺德國真係抵好多。 【Medela Harmony 手動奶泵】 能刺激和按摩乳腺，模仿嬰兒食 mamami 既速度泵奶。手柄可調校角度，方便媽媽。輕便及方便攜帶，容易安裝清洗。 【Medela Mini Electri 迷你電奶泵】  模仿嬰兒食 mamami 既情況，可選擇不同的泵奶力度。按須要調校吸力，配合不同種類既儲奶瓶或奶袋。輕巧及方便攜帶，乾濕電兩用，不含BPA。 【Medela Swing Maxi 電動雙奶泵】  雙泵能節省泵奶時間，亦可增加奶量。附有防倒流設計，能有效防止母乳倒流至吸管。設有不同力度既按摩和泵奶功能。可單或雙泵使用、便於攜帶，操作寧靜、乾濕電兩用。 此外，Medela 還有一套泵奶 Starter-kit，放便媽媽配合奶泵使用 【Medela 哺乳媽媽 Starter-Set Kit】 1 套 22 件 • 1 Calma Solitaire 母乳專用奶咀 • 2 150ml儲奶瓶 (連蓋) • 12 即棄舒適乳墊 • 5 儲奶袋 • 1 微波爐蒸氣消毒袋 • 1 PureLan 7g 純羊脂護乳膏

# 奶泵 # Medela # BB系列 # Nuk 母乳對寶寶的好處，相信大家都知道。但做乳牛，24 小時無休，殘到照鏡都會嚇親自己。生仔已經夠傷，順產都算，要是開刀後再立即變身成為乳牛，箇中辛苦：不是一句「偉大的媽媽」可以彌補的。(最少Kuluma 不接受) 當年，Kuluba 聽同事建議，將 Kuluma 送到一間自然療法的醫院生Kulu，結果是生足 40 小時，最後全餐開刀，再被迫變做乳牛兼無得訓，因為 Kulu 就貼身睡在身旁，死未？ 眼見其他順產的同房，夜晚生完，朝早四圍走，佢地話：喂 mamami 康復得好快。Kuluma 轉身都成問題，卻被迫小心轉身做乳牛，傷口痛是小事，怕的時不小心壓到 Kulu。 未夠一個月，我們的結論是：「One is more than enough」 咁，值得變做乳牛嗎？ 為了阿仔，值！(因為他真的較少病痛) 為了自己，都應該做。因為... 好快收身！ Kuluma 生完兩個月，磅數已經差唔多收得七七八八，大半年不見的朋友可以完全沒有發現我已經是一隻乳牛。 ◎ 為左自己，都應該頂硬上。 香港無可能帶埋阿 B 去返工，所以要做成功的乳牛，你需要：奶泵 一連兩日，將為你介紹 Nuk 和 Meleda 兩個品牌的奶泵。

夜晚，是肌膚更生的時候。以前常聽別人說晚上10時至零晨2時是最重要的睡眠排毒階段，故不應開夜車。可是，在香港生活，多少人可以十時去睡？ 生活逼人，想要好的肌膚，又沒有辦法早訓，唯有用合適的護膚品補救。 Kuluma 很喜歡這款晚間修護「粒粒」，入秋之後經常使用。早前朋友 B 也拿來一試，就這樣愛上了。剛打開時覺得好似好油，一搽上面就很快吸收，一連用幾晚，感覺肌膚變得更潤滑細緻。她說，好用，要久不久用來補一補。 【Schaebens 晚間修護膠囊精華】 § 主要成份：可可巴油、甜杏仁油、維他命 A、維他命 E § 使用方法：晚上潔面後，打開1粒「粒粒」，用手指輕輕將精華搽上面、頸，最後輕拍至吸收即可。 ◎ 臨床測試結果顯示，持續使用能撫平肌膚細紋，使肌膚變得更細緻順滑，和提升肌膚保濕能力。

以前，一提起護膚精華膠囊 「粒粒」，Kuluma 總覺得很油，搽完後一面油光。在德國幾年，看見很多人買，才鼓起勇氣買包試試，點會估到，一試就愛上。 一 D 都唔油！ 質地細緻，吸收得很快，而且效果明顯。 絕對是定期修護肌膚的推介貨。 【Schaebens 護膚精華膠囊】 Schaebens 不但面膜出色，護膚精華膠囊都相當好用，在測試中獲得非常好 (sehr gut) 的評價。 之前以經為大家介紹過它的晚間修護精華膠囊，很多朋友試過都讚好。今次再介紹另外兩款。 【Schaebens Anti-Falten Lifting-Konzentrat】 提升抗皺精華膠囊 (黃色) - 能即時減少幼紋 - 順滑緊緻肌膚 - 不含防腐劑與任何色素 § 主要成份：Q10、葡萄籽油和迷迭香 【Schaebens Perfect Skin Beauty Konzentrat】完美肌膚精華膠囊 (紅色) - 適合早上使用 - 能即使撫平細紋 - 使肌膚更明亮照人 - 使毛孔更細緻 § 主要成份：透明質酸、花椒和維他命E

近排，有好多人問 Kuluma 點解唔介紹埋 BB 產品，又問德國既 BB 產品係唔係 Weleda 最好。我只能夠說 Weleda 係 BB 產品既名牌，又係老牌子，當然較多人認識。Kulu 仲係 BB 時，我地都無買 Weleda，因為 Kuluba 話：「貴！」，佢買本類似 BB 產品測試結果既書仔，研究完就去買 D 測試成績優異，又平價的產品。 所以，Kulu 食既奶粉係差唔多最平的品牌，比Hipp、Aptamil 等大牌子平一半。洗頭沐浴護膚品也一樣是平價貨。 其實，好多 BB 品牌既質素都幾好，價錢因品牌而異。 今次介紹兩個品牌 (1貴1平) 的 BB 必備既護膚膏 / 護臀膏，等大家可以比較一下。 * 兩件產品都屬天然有機，又在德國 Öko-Test 中獲得非常好(Sehr gut) 的評價。 【Weleda Pflegecreme Baby Calendula】 75 ml 有機金盞花嬰兒護膚膏 (護臀膏) 天然的金盞花能鎮靜和舒緩過敏肌膚，配合芝麻油、羊脂、水解蜂臘，為肌膚提供全面保護。當發現 BB Pat Pat 紅紅，或開始有尿布疹時立即搽上，8小時後能明顯改善。 § 主要成份：金盞花精華、芝麻油、羊脂、甘油、水解蜂臘 ◎ HK$98 (買兩件，減$20) 【Alverde Pflegecreme Baby】75ml 天然嬰兒護膚膏 (護臀膏) 有機乳木果油及有機洋甘菊精華能迅速滋潤敏感肌膚，山金車花精華能有效舒緩皮膚過敏和損傷。 § 主要成份：乳木果油、黑大豆油、甘油、洋甘菊精華、山金車花精華、黃原膠、維他命E  ◎ HK$78 (買兩件，減$20) Kulu 用邊隻？ 以上兩隻都唔係，佢用既比 Aleverde 再平一半，不過品牌剛轉了新的 Formular，Test result 未見，所以就沒有向大家介紹。

迎接新 BB 需要花一大筆費用，某程度上可以滿足準媽媽行街 Shopping 的慾望 (就好似 Kuluma 當年，多個籍口等自己成日行街，好開心。) 看著 BB 長大真的很滿足，好像完成一件偉大使命。不過，睇住之前買落既野用唔到幾耐又要捨棄，好似有點可惜。 記得以前，消毒奶樽是用個大煲，放奶樽落去煮。依家，可多人會買奶樽消毒器。真係方便，不過香港地住家細，慳位又可以用得返先係上策。 所以，今次要為大家介紹微波爐消毒器！慳位之餘，第時又有機會再用。 【Nuk 微波爐消毒器】 HK$288 (包空郵掛號) 產品特點： * 4 分鐘迅速消毒(1000-1300w) * 一次消毒 4 個 NUK First Choice 300ml 奶樽 * 同時替奶嘴消毒 (不建議用此產品替安撫奶咀消毒) * 適合內部高度達 187mm、深度達 280mm 的微波爐 * 容易清洗 穩唔穩陣？ Kulu 當年所有奶樽都係用微波爐消毒器殺菌，我就對佢有信心啦。

 Kulu BB 時，寬口和窄口奶樽都用過，佢比較鍾意用寬口，據德國診所 D 姑娘話，因為用寬口飲奶似直接係媽媽度飲媽媽奶，所以飲開或飲過媽媽奶的，都比較喜歡寬口奶樽。 邊隻品牌好？ 各人有自己的喜好，Kuluma 人在德國，自然用 Nuk。 睇返香港 Nuk 既價錢，德國真係平。可能是德國生產吧！ 香港人忙，壓力有大，最好可以一次執晒 d 貨唔洗煩，Nuk 有套奶樽套裝，最適合新手父母。 【Nuk First Choice + Perfect Start 】1 套9 件， HK$389 (包空郵掛號) * 適用0-6月BB * 產品包括 1. 2 x 300ml 寬口 PP 奶樽. 2. 2 x 150ml 飲水/飲茶寬口 PP 奶樽 3. 2 x 防氣脹1號奶嘴(0~6m) 4. 1 x 安撫奶嘴 5. 1 x 奶樽防漏蓋 6. 1 x 二合一專業奶樽清潔擦 另外還有兩套迪士尼奶樽：Winnie the pooh / 米奇 @$299 (包空郵掛號) 每套包括： 2 x 300ml 寬口 PP 奶樽 2 x 300ml 寬口 PP 奶樽 2 x 1 號奶咀 (0-6 月適用) 1 x M 號奶咀 1 x S 號奶咀

朋友 C 就快做媽媽，Kuluma 替她高興之餘，千叮萬囑她記得天天搽妊娠油，這樣肚子越來越大，才不會容易有妊娠紋。 Kuluma 當年就是懶，記得才搽，以為不大見肚就不重要，結果最後兩個月，肚子像氣球搬漲起，送上一條又一條的線。 縱使開刀時醫生開得很低，自此也與兩件頭泳衣無緣。 真係好難睇！ 雖然有人說，妊娠紋的出現與否與搽油無關，不過，很多勤力搽的朋友生完後一條紋都無。 如果時光可以倒流，Kuluma 一定勤力搽！ 仲要搽有機、天然的，這樣便不會對寶寶有任何傷害。 妊娠油一般是以甜杏仁油為底油，再加10%至30%的小麥胚茅油混合使用，從而達到最佳效果。 提到有機妊娠油，就不得不提 Primavera 的油。Primavera 是德國的有機香薰品牌，產品得到有機認證。很多朋友都喜歡她的產品，不過香港賣得很貴。 幸好，在德國的價錢相當吸引！ 【Primavera 預防妊娠紋 2+1套裝】HK$800 (包德國空郵掛號) 調配方法： 以甜杏仁油為底油，再加10%至30%的小麥胚茅油混合使用，從而達到最佳效果。 Primavera 有機甜杏仁油 100ml - 單價：HK$268 枝 - 含豐富脂肪酸、卵磷脂、維他命，是多功能護理油，一家大細都適合。 Primavera 小麥胚芽油 100ml - 單價：HK$268 枝 - 含豐富維他命，能舒緩敏感、發炎及痕癢肌膚。深層補濕，重整肌膚密度。 一般坊間的套裝是：2枝 有機甜杏仁油 + 1枝小麥胚芽油 現凡購買預防妊娠紋 2+1 套裝，即送價值 $137 護膚產品： 1. Balea 7 日煥膚安瓶 (為肌膚減壓之餘，提高水份) 2. Schaebens 完美肌膚膠囊 (適合朝早使用，為你開啟完美肌膚的一天) 3. Balea 牛奶蜜糖面膜 (為肌膚補濕)

 好多人都習慣定期去染下髮，轉下形象。不過，頭髮染得多，其實好賞。後生時唔覺，但年紀開始大，頭髮就開始少，髮線又會開始向後移... ... 想唔染，但白頭髮又開始多，睇落去老好多。 染，只會使頭髮更傷。 真的後悔，後生時點解唔早早用 D 無咁傷頭髮既天然染髮劑。 Kuluma 好鍾意 Sogo Thankful Week，人在德國，睇下個 Catalog 已經好滿足。剛剛無意中發現香港的染髮劑好貴！ Thankful week 特價都要 $450 (3盒)，即係 $150 一盒，仲要唔係天然染髮劑！ 太貴啦！ 忍唔住要同大家介紹德國既天然染髮產品。 以下產品成份天然，在德國天然產品測試 Öko-Test 中獲得非常好 (sehr gut) 的評價，最重要係價錢比 Thankful week 特價貨更平！ 【Sante Pflanzen-Haarfarbe】 (共 9 色) Sante 天然草本染髮粉 Sante 天然草本染髮粉獲德國BDIH** 天然化妝品 (Natural Cosmetics) 驗証。成份天然，沒有人工添加劑、香料或合成染料，更不含一般染髮劑內的阿摩尼亞、雙氧水等有害物質。 § 主要成份：決明子蕨葉粉，指甲花葉粉*，核桃殼粉，木藍葉粉，木藍銀水牛葉粉，甜菜鹼，褐藻膠 (不同顏色染髮粉成份略有不同) § 用法： 1. 頭髮要乾 2. 在髮線邊的皮膚搽上凡士林或潤膚膏，避免染色。 3. 將適量染髮粉放在碗內，加滾水拌成糊狀。 4. 將染髮糊搽在需要位置 5. 用保鮮紙、浴帽或毛巾包好 (Kuluma 喜歡用保鮮紙，因為方便) 6. 染髮需時 1-2 小時，按髮質而定，時間越長越上色。 7. 用清水沖洗，再用洗頭水洗淨。 ◎ 注意事項： 1. 染髮粉要濕先染到髮，乾的染髮粉不能上色。 2. 不能將黑髮變淺。 3. 在白髮或淺色頭髮上效果較明顯。 4. 染髮後不會即時出色，大約要1-2 日後，效果才顯現，才定色。 5. 如皮膚有敏感，請先在手上測試。 * 蠶豆症患者，絕對不可使用。(因為產品含指甲花葉粉) @ HK$99 (有意選購請到  https://www.facebook.com/kulumashop/  

朋友 C 就快做媽媽，Kuluma 替她高興之餘，千叮萬囑她記得天天搽妊娠油，這樣肚子越來越大，才不會容易有妊娠紋。 Kuluma 當年就是懶，記得才搽，以為不大見肚就不重要，結果最後兩個月，肚子像氣球搬漲起，送上一條又一條的線。 縱使開刀時醫生開得很低，自此也與兩件頭泳衣無緣。 真係好難睇！ 雖然有人說，妊娠紋的出現與否與搽油無關，不過，很多勤力搽的朋友生完後一條紋都無。如果時光可以倒流，Kuluma 一定勤力搽！ 仲要搽有機、天然的，這樣便不會對寶寶有任何傷害。 妊娠油一般是以甜杏仁油為底油，再加10%至30%的小麥胚茅油混合使用，從而達到最佳效果。 提到有機妊娠油，就不得不提 Primavera 的油。Primavera 是德國的有機香薰品牌，產品得到有機認證。很多朋友都喜歡她的產品，不過香港賣得很貴。 幸好，在德國的價錢相當吸引！ 【Primavera 預防妊娠紋 2+1套裝】$800 (包德國空郵掛號) 調配方法： 以甜杏仁油為底油，再加10%至30%的小麥胚茅油混合使用，從而達到最佳效果。 Primavera 有機甜杏仁油 100ml - 含豐富脂肪酸、卵磷脂、維他命，是多功能護理油，一家大細都適合。 Primavera 小麥胚芽油 100ml - 含豐富維他命，能舒緩敏感、發炎及痕癢肌膚。深層補濕，重整肌膚密度。 一般坊間的套裝是：2枝 有機甜杏仁油 + 1枝小麥胚芽油 現凡購買預防妊娠紋 2+1 套裝，即送價值 $137 護膚產品： 1. Balea 7 日煥膚安瓶 (為肌膚減壓之餘，提高水份) 2. Schaebens 完美肌膚膠囊 (適合朝早使用，為你開啟完美肌膚的一天) 3. Balea 牛奶蜜糖面膜 (為肌膚補濕) 如需選購，請到以下網頁 PM https://www.facebook.com/kulumashop

 坊間有不少 body cream ，都聲稱有消脂功能。當年 Kuluma 都交了不少學費，結論是：只有食少一點，食得健康，再加上適當運動，才是上策。 消脂的 Cream，就算是最有功效的，都只是協助性質。Kuluma 試過最有效的是西班牙品牌 Alqvima，香港有得買，但好貴。不過，千萬不要奢望只係搽呢隻 cream 就可以瘦到身。 一般來說，Cream 最叻就係幫你 Firming，但唔代表你郁到唔郁就 Firm 到。 好失望？ 係，交了很多學費，試盡各路產品後，Kuluma 都覺得很失望。唯有順應天命，做下 Firming 運動，再搽下 Firming cream 或油，等皮膚 Firm 得靚 D。 效果如何？ Kuluma 比較懶，得閒先郁下，天氣凍又懶得郁，天氣熱又唔願郁。唯一會做的是搽 cream。 結果：瘦就唔覺啦！不過之前鬆既肚腩 Firm 返 D，皮膚滑左好多。(生仔前搽大肚按摩油唔夠，生完後自己一人湊仔煮飯執屋已經倦到想死，覺都無乜得訓，做運動 Firm 返肚，睬你都傻。結果...... 從此同兩件頭泳衣絕緣.... :( 咁隻幫得下手既 Cream 係乜？ 相信你都估唔到係： Nivera 德國 Nivera 出左隻 Q10 body cream，能緊緻肌膚。市面評價不俗，很多評論指出它是 Top 3 有效firming 既 body cream。 不過，好似香港未有得賣。 Nivera Q10 body cream 有幾個款，以配合不同肌膚需要： - Q10 Body Lotion 400ml - Q10 Body Milk 400ml - Q10 In-dusch body lotion 400ml (沖涼時用) - Q10 body oil 200ml ◎ Kuluma 平時用 Q10 Body lotion，已經用左2年啦。

Kuluma 有些朋友的皮膚很敏感，很容易紅腫，用護膚產品要很小心。德國人比較喜歡天然有機，很多護膚品都有應付敏感肌膚的產品，可以話：貴有貴用，平有平用。 Kuluma 的習慣是，如果用平野就有效，未必要用貴野，留返 D 錢食左佢好過。所以，向大家介紹的往往是好用的平價貨先，之後再按需要慢慢向高一條 Line 發展。 以下產品是專為超敏感肌膚而設的洗面奶、爽膚水。Kuluma 雖然沒有用過，但用過的朋友都說真的溫和好用，唯一的缺點是：一點香味都沒有。(因為真的一點香味也沒有加) 【Balea Med Reinigungsmilch Ultra Sensitive】 200ml   Balea 超敏感潔面乳 Balea Med 是 Balea 有醫藥成份的生產線，特別針對某類人而設。超敏感潔面乳不含香料，成份溫和，並通過過敏測試。 § 主要成份：甘油、黃原膠、維他命原B5、維他命 E § 用法：早晚將少量潔面乳以打圈形式搽上面，之後用濕的化妝綿或暖水清洗。 【Balea Med Gesichtswasser Ultra Sensitive】 200ml   Balea 超敏感爽膚水 § 主要成份：甘油、青瓜精華、維他命原B5 § 用法： 早晚潔面後，用化妝綿將爽膚水輕輕拍上面、頸和肩部位置。(避開眼部四周)

當天氣開始凍，最難受的莫過於：被竇內對腳太凍，搞到訓 唔著。 開張暖氈係保暖，但皮膚只會變得更乾燥，更乾更痕。 如果腳凍真係問題，不如試下用暖腳霜啦！ Kuluma 很喜歡 Balea 這個品牌，很多產品都又抵又好用，而且有不少在德國產品 測試獲的矯人的評價。之前向大家介紹過它專醫爆腳的腳霜 ，其實它還有殺菌、暖腳、舒緩腳部壓力的產品。 【 Balea Wärmende Fusscreme, 100ml】   Balea 暖腳霜 以天然的精華促進腳部血液循環，再配合葵花籽油和甘油保 濕配方、乳木果油和杏仁油滋潤肌膚。 § 主要成份：葵花籽油、甘油、乳木果油、杏仁油 § 用法：每日兩次搽在足部和腿部，輕輕按摩，之後著襪，加 熱效果會更理想。 ◎ 本產品不含色素，也不會刺激皮膚。

上次 Serum 系列介紹過 Dr. Schneller 的 摩洛哥堅果油面部精華，其實呢條 line 仲有日霜和晚霜。香港夏天太濕，用 Dr. Schneller 面霜可能會覺得太笠，不過秋冬則剛剛好。每次用量很少，一套日霜 (50ml) + 晚霜 (50ml)夠一個秋冬，絕對抵用。 這款天然面霜屬中低價貨，含摩洛哥堅果油和透明質酸，能有效保濕抗皺，更新皮膚，效過拍得住唔少大品牌。如果大家皮膚較乾，或 屬於35 歲以上的輕熟肌膚，值得一試。 【Dr. Schneller 摩洛哥堅果油保濕抗皺日霜】 § 主要成份：摩洛哥堅果油、杏仁油、葵花籽油、透明質酸、維他命 E § 使用方法：潔面、爽膚、精華後，搽面霜，最後防曬。 【Dr. Schneller 摩洛哥堅果油保濕抗皺晚霜】 § 主要成份：摩洛哥堅果油、杏仁油、葵花籽油、野生大豆油、透明質酸、維他命 E § 使用方法：潔面、爽膚、精華後，搽晚霜。 ◎ 通常 Kuluma 鍾意連埋佢既精華一齊用，保濕效果更佳。 ◎ 如果平時夏天已經要用比較滋潤既護膚品，咁 Dr. Schneller 的 石榴 line 就會比較適合，因為更保濕、更抗皺、更緊緻。

相對於 Dr. Huaschka ，Primavera 的 Trail set 就比較簡單，一套有 3 枝，包括：潔面 (28ml)、爽膚 (28ml) 和潤膚 (8ml)。 Primavera 的護膚品，主要按肌膚需求而分類，分別是：保濕修護、更生修護、平衡修護和敏感修護。 四種不同的類別，各自有不同的潔面、爽膚、潤膚、眼霜等護膚品。大家可以按需求選購。 同 Dr.Hauschka 的試用套妝比較，好似簡單左少少。不過，潔面爽膚面霜，不就是我們試新護膚品牌最重要的3 樣產品嗎？ 其實，當你試過 Primavera 的護膚品，好大機會會愛上佢既味道。如果你有用開花水，又知道呢個品牌既有機花水唔洗 HK$200 一枝，好大機會忍唔到手..... (佢有乜花水？ 下次再介紹) 【Primavera 香薰有機護膚 試用套裝】 @HK$175 (包空郵掛號) 共四款： 1. 保濕修護：乾性至中性肌膚適用 2. 更生修護：成熟肌膚適用 3. 平衡修護：混合或油性肌膚適用 4. 鎮靜修護：敏感肌膚適用

上次提到 Annemarie Börlind 的面部緊緻精華，其實她還有另一件皇牌產品：橙花蜜淡斑 精華。Kuluma 覺得這樽橙花蜜最好玩的地方是：用前可以狠狠的搖幾搖， 讓兩層分開的液體混和才可使用。轉個頭，又見它們分開了 。 (千萬不要讓 Kulu 看見，否則他一定據為己有，死搖懶搖！) 淡淡的橙味，雖含油分，但完全不覺。用後覺得皮膚較有光 澤。 保濕效果不錯，如皮膚勁缺水的朋友剛開始使用時可能會覺 得不足。能有阻止黑色素沉澱，使肌膚恢復活力。 ( Kuluma 始終都係覺得搽防曬最重要！) 【 Annemarie Börlind Orangenblüten】50ml § 主要成份：黑森林泉水、荷荷巴油、夏威夷果仁油、甘油、 甜菜鹼，能有效保濕。西西里紅橙含有油溶性維他命C和維 他命B5，能有效抑制黑色素形成，掃除暗訝膚色。 § 用法：早晚潔面爽膚後，用1-2 pump 橙花蜜，輕輕按摩面部至吸收，再搽日 / 晚霜。 * 如同時使用面部緊緻精華，則先搽橙花蜜，再加面部緊緻精 華，最後日 / 晚霜。 ◎ 有唔少人話，橙花蜜淡化暗瘡印好得wor.. 不過 Kuluma 已經用緊其他產品，就無咁試啦。

一講 La Mer，大家都會聯想起那過千幾蚊既 Cream，唔少人用過都讚好。問題係：需唔需要用到咁貴？有無效果類似而價錢更實惠既產品。 答案係：有 一次偶然的機會，Kuluma 發現德國也有 La Mer，但此 La Mer 不同香港的 La Mer。(雖然名字一樣，甚至曾經有傳聞話條 Formular 係向德國購入。) 效果如何？ Kuluma 有不少用 La Mer 的朋友試用德國 La Mer 後都說，質地好似，效果一樣！！！(之前，Kuluma 帶過唔少朋友去買，又幫過唔少朋友買，買到舖頭都認得我。) 價錢如何？15 ml Eye Cream 是香港的 1/4 價錢，仲要係天然護膚品！ 真係好吸引。 【La Mer Supreme Natural Lift Anti Age Cream Auge】15ml   尊貴天然抗衰老眼霜 (不加香味) 產品特別針對眼部細緻驕嫩的肌膚，含豐富的海藻精華和礦物質，能持續為肌膚提供水份、礦物質和各種元素，減少透明質酸的流失，提高抗氧化的能力。 § 主要成份：海帶精華、海藻精華、海洋植物黃酮、小球藻精華 § 用法：早晚潔面後，用指尖將一小粒份量的眼霜輕輕地印上眼部四周，再輕拍至吸收。 ◎ 評價：眼霜很容易吸收，好容易就感覺到個眼袋細左，細紋淡左。 (其實，佢仲有針對敏感肌膚既 Med Line，如果你覺得 Supreme 條 Line 未夠勁，佢仲有 Platium 同 Ultra Hydro Booster 兩條更高級既 Line。不過 Kuluma 至今都只係試過佢既Med、Advanced 同 Supreme 3 條 Line 既產品，大抵來說，效果都相當滿意。)

德國天氣乾燥，Kuluma 住在小鎮，空氣清新，好處時不用天天洗頭，可惜頭髮的質地仍然麻麻，因為德國是硬水，礦物含量重，頭髮會變得又硬又乾。 以前在香港已經會每隔幾個月焗一次油，用的是 Loccitane 的香薰洗髮護髮產品。Kuluba 話德國出好多護髮產品，無需要用咁貴既 Loccitane wor... 佢話德國黑人頭牌 (Schwarzkopf) 洗頭水、護髮素好。結果，Kuluma 洗到又乾又痕，跟住發現他買的是最 Cheap (平) 的一條 Line。(唉！男人買野...) 唯有自己去再買過，向高一條 Line 埋手。 一試，得左，搞掂。 呢條 Line 叫 Gliss Kur，由洗頭、護髮、修護 Kuluma 都有用。 香港的冬天比較乾，夏天大家又經常開冷氣、空氣又差，頭髮都好傷，以下呢枝萬能髮油應該可以幫到手。 【Schwarzkoft Gliss Kur Haaröl Tägliches Öl-Elixier】 75 ml   Gliss Kur 萬能髮油 點解叫萬能髮油？ 因為 1. 可以在洗髮前用作特別修護； 2. 洗髮後搽上作修護； 3. 朝早返工前搽小小，為秀髮帶來光澤； (一 D 都唔笠) 4. 當頭髮防曬用 (太陽太猛，好容易曬傷頭髮，搽左就可以保護秀髮) 雖然細細枝只有 75ml，但是每次使用的份量極少，而且絕對方便快捷，還有淡淡的香味。 § 主要成份： 摩洛哥堅果油含有豐富的維他命和脂肪酸，能有效保濕和修護，再加上葵花籽油等珍貴的成份，能修護受損的秀髮。雖然是「油」，搽上去卻不膩，還能帶來光澤。 § 用法： 1. 洗髮前，可搽在需要位置，當特別焗油修護。 2. 洗髮後，頭髮剛用毛巾抹乾 (仍然濕) 時，將 1-2 bump (如頭髮過肩) 髮油放在手心搓勻，再輕輕印、輕輕按摩頭髮。這樣，頭髮乾後會變得更柔順，而且一D 都唔覺得油。 3. 朝早，想頭髮有光澤，將 1-2 bump (如頭髮過肩) 髮油放在手心搓勻，再輕輕搽在頭髮中下段至髮尾位置。 其實，呢條 Line 既護髮素和護髮修護噴霧都好出色。 ◎ 黑人頭牌仲有更高級更貴既 Line，不過，既然一般產品都OK，暫時就沒有必要用更貴的產品。 到大家真係需要向高一

德國南部黑森林一帶有不少天然護膚品品牌，其中超過50年歷史的 Annemarie Börlind 比較多香港人認識。其實佢有兩條品牌 line，分別是：Annemarie Börlind 和 Dado Sens。Dado Sens 主要針對敏感肌膚。 這個品牌成份天然，包括使用來自黑森林的泉水、植物精華，不含任何有害物質，也不會以動物測試。 至於佢既 Serum 如何？Kuluma 覺得唔錯，最可愛的晚上用後，第二天朝早會覺得D毛孔好似細緻左，D 鼻角暗紅位淡左 (唔知係咪心理作用)。事實上，該產品臨床測試證明，持逐使用真的能有效緊緻肌膚、減少紅印、收細毛孔。   【Annemarie Börlind Gesichts Straffung Gel】50ml   面部緊緻精華 § 主要成份：黑森林泉水、天然酒精、甘油、馬尾草精華、猴麵包樹精華、金縷梅精華 § 使用方法：早晚潔面爽膚後，用指尖將精華搽上，再搽日 / 晚霜。 ◎ 雖含天然酒精，但搽上面絕對唔會乾。(原來護膚品用既酒精有好多種，好既酒精唔單止唔會覺得乾，仲可以活膚添！) ◎ 其實佢仲有另一隻橙花蜜精華都好好用，下次再介紹。

Kuluma 讀書時身體健康，大約10年前突然開始經常頭痛，醫生話係偏頭痛 wor.. 好多人都有。 Kulu 出生後，頭痛發作更多，由得佢唔理，只會越來越痛，更會痛到嘔。 所以，外出總會袋兩粒止痛藥，以防萬一。 上個月出城，和店員閒談時，她向我介紹一枝香薰走珠筆，她說對頭痛很有效，她也經常有偏頭痛，所以總會隨身攜帶。Kuluma 聽到，忍唔住買枝一試。 等不上幾天就有機會，當頭痛開始發作時，搽搽太陽穴、耳仔下的穴位，和對下位置。很快，痛的感覺減輕了，過了一會兒就消失了。 又有一次，頭痛發作了一會，準備想吃藥前一試。似乎只能輕微減輕痛礎。 結論是：剛開始發作時用，起碼可減少要吃藥的機會。 【Primavera Klarer Kopf Aroma Roll-On】   醒神香薰走珠筆 主要成份：薄荷香薰、迷迭香香薰、薄荷水 (全部有機產品) 生產商並沒有指出本產品可以舒緩頭痛。他們指出本產品有提神功效而矣。大家唔夠醒神時也可以用來提神。 舒緩頭痛係 Kuluma 同 Sales 姐姐既經驗之談。不過，如果可以食少粒藥，又可以幫到手，絕對值得一試。

今次介紹的面部精華 Kuluma 都相當喜歡，每年都會買1-2 枝用。 點解唔長用？因為鍾意久不久轉轉，試試新產品。不過，每隔一段時間，總會入貨。 呢枝 Serum 相當天然，100 ％無矽、無礦物油、無合成色素、無防腐劑。每次用2-3 滴，好快吸收，保濕效果相當唔錯。 除 Serum 外，這條 Line 還有日霜、晚霜，一起使用效果更佳。 【Dr. Schneller Arganöl & Amaranth Intensiv-Serum    摩洛哥堅果油面部精華 § 主要成份：摩洛哥堅果油、蘿蔔油，莧菜籽精華和透明質酸，能有效保濕，撫平細紋。摩洛哥堅果油能有效保濕，撫平細紋，含豐富的不包和脂肪酸，能保護皮膚過早老化。 § 用法：潔面爽膚後，用附帶吸管滴 2-3 滴於指尖，搽上面頸位置，之後在搽日霜、防曬即可。

近來，不少朋友問有沒有好的 Face Serum 介紹。通常面部 serum 不外乎3大類：補水、緊緻和抗皺。 女人 25 歲開始，就要開始補養肌膚，目的是減慢肌膚老化。就好似平時洗碗唔帶手套，之後又唔搽 Cream，好快就會又乾又有皺紋。最可怕的是：皺紋一出，搽再多的靚 Cream 都好難消失。 所以，預防勝於治療！ 未來幾日會向大家介紹既隻好用 Face Serum。 【Alverde Serum Q10 Bio-Gojibeere】   Q10 天然枸杞面部精華 枸杞很有營養，能抗氧化。如果大家喜歡Alverde 的Q10 眼部精華，一定會喜歡它的面部精華。 質地輕、細緻，很快吸收。含豐富的維他命E，有效抗氧化。而 Q10 能提高肌膚的天然再生能力。杏仁和荷荷巴油則能滋潤肌膚。再加上透明質酸和甘油增加肌膚水分和補濕能力。臨床實驗證明本產品能平撫細紋、增加肌膚彈性，使之變得更順滑。 § 主要成份：甘油、葵花籽油、黃原膠、枸杞精華、透明質酸。 § 用法：潔面、爽膚後，將精華素輕輕搽上，之後搽面霜。

Kulu 舅父喜歡 Rimowa，多年前已經買入1個，剛過去的6月，他來德國時，又忍不住買了1個回港。我說：「1個就夠啦！」他說：「買多個 Hand carry 上機，真係好抵。」 很多香港人遊德後都會帶個 Rimowa 回去。有了 Kulu 後，Kuluma 很少飛，1個平平的行李箱已經足夠，自然不會考慮。 不知道大家有沒有留意，幾個月前Rimowa 大部份股權賣了給一間投資公司。Kuluba 說要買 Rimowa 要快，襯它 restructure 完成前就要買，否則一 cut cost，將生產線搬去唔知邊到，產品質素自然大大降低。 Kuluma 計過，原來在德國買，加空郵保險包裹費用，再加上 Kuluma 人工 (產品貨價+郵費 的10%，會幫你格價、購買、驗貨、原包裝去郵局寄)，都平過香港的特價行李箱舖頭。 究竟 Rimowa 有幾平？以下的 link 可略窺一二。 http://www.koffer-direkt.de/hersteller/rimowa…

Kuluma 皮膚較乾，小時候 Kulu 婆已經會係藥房買甘油，叫我地沖完涼之後搽。Kuluma 總是嫌甘油太「笠」而放棄。 30過後，發覺好多 Cream 都唔夠潤，又唔想搽到又厚又 「笠」，於是開始加「油」。 原來，靚「油」不但不「笠」，而且很保濕，適當地加上香薰油，更可以有淡疤、緊緻、順滑，甚至舒緩濕疹的功效。 先缺條件是：用靚「油」。 Kuluma 試過不同品牌的「油」，發覺靚「油」上手，質地更細緻順滑，皮膚吸收得更好。 Kuluma 常用的方法是：沖涼後抹身前，倒一點靚「油」在手心，快速搽上身，之後再用毛巾輕輕印乾。這樣整天都不會覺得乾，很方便。 「油」有多種，用邊隻？ 既然人在德國，當然介紹德國品牌。 【Primavera 有機甜杏仁油】   全家適用，是多功能身體護理油，適合不同肌膚，能有效保濕，甚至舒緩嬰兒濕疹。可按喜好適當地添加香薰油，增加功效。 例：100ml 杏仁油，加15滴薰衣草香薰油和12滴土耳其玫瑰香薰油，能進一步舒緩肌膚。 【Primavera 有機月見草油】   月見草油能有效鎮靜和舒緩肌膚，含有的亞麻酸為肌膚添加保護，放止水份流失。  Mix 得好，仲可以舒緩濕疹添！ 舒緩濕疹配方： 50 ml月見草油 + 2 滴臘菊香薰油 (Immortelle)+ 3滴佛手柑或薰衣草香薰油(Bergamot / Lavendel fein)。 舒緩痕癢肌膚配方： 30 ml月見草油 + 1 滴廣藿香香薰油(Patchouli) + 7滴薰衣草香薰油(Lavendel fein)

德國既餐具同煲都好出名，WMF、Fissler 和孖人牌係香港賣到好貴。Kuluma 屋企都係用 WMF 同 Fissler，點解唔用孖人牌？主要原因係早年Kuluba 搬出黎住時附近無 孖人牌outlet。Kuluba 買野精打細算，減價唔夠就唔賣，質地唔好又唔要。結果，屋企既煲全部都重死人。 唔講唔知，WMF 有2條生產線：中國和德國。佢地無明言自己邊隻貨係邊條生產線出產，個盒都係寫德國製造。(當年，係傳媒踢爆) Kuluba 話，好彩買得早！ 其他兩隻牌子又如何？ Fissler 話：100% 德國製造 孖人牌：Kuluba 話應該係德國製造。 德國既孖人牌有幾平？上佢官網就可以略窺一、二。

Kulu 姨說轉季期間，皮膚變得乾緊，Kulu 媽立刻向她介紹 Dr. Hauschka 的神仙水：  Renewing Night Conditioner 和 Sensitive Care Conditioner。 Dr. Hauschka 是德國4大天然化妝品牌，以肌膚回復最自然狀態為宗旨，著重收復肌膚的調節能力。 簡單來說，神仙水的作用是排毒、重新調節肌膚、平衡油脂分泌，舒緩敏感肌膚。 Sensitive Care Conditioner 則是專為敏感肌膚而設，除了以上效果，更能有效改善敏感情況。 【Dr. Hauschka Renewing Night Conditioner】 成份： 金縷梅植物精華、聖母百合精華、大馬士革玫瑰花油，銀等，能有效協助肌膚晚上更生。 使用方法： 皮膚細胞每28日更生，神仙水也是以28日為一個療程。每晚潔面後，將 2 安瓶打開，輕輕地將神仙水按上面部( 包括眼、唇和頸)，按摩直至全部吸收，之後不需要再搽晚霜。 第23 天開始，每晚1枝，直到療程完結。 【Dr. Hauschka Sensitive Care Conditioner】 成份：琉璃苣、珍珠、孔雀石、橡樹樹皮的提煉物，能冷靜過敏的肌膚，舒緩痕癢症狀。植物及礦物精華能收細毛孔，令肌膚變得平滑。 使用方法： 早上潔面後，將神仙水代替 Toner 和 serum。 將 1枝安瓶打開，輕輕地將神仙水按上面部( 包括眼、唇和頸)，按摩直至全部吸收，再搽日霜。 晚上潔面後， 將 1枝安瓶打開，輕輕地將神仙水按上面部( 包括眼、唇和頸)，按摩直至全部吸收，之後不需要再搽晚霜。 第23 天開始，只是晚4使用1枝，直到療程完結。 注意： 剛使用時會覺得面部乾緊不習慣，這是正常的。產品目的是煥醒肌膚的自動調節功能，乾緊只是過渡。如真的不習慣，可於下午或晚上使用 Dr. Hauschka Revitalising Mask，緩和乾緊不適。 部份使用者用後暗瘡繼續爆、皮膚繼續紅，這是正常的排毒過程。排毒完成後，暗瘡變會開始消失，面部肌膚大為改善。 肌膚需要定期排毒、重生調節，建議 20-29 歲每年做2次療程、30-39歲每年3次、40+ 每年4次。